Аляксандр Андрэевіч Бунгэ (24.9 (6.10).1803 — 6 (18).7.1890) — расійскі фларыст-сістэматык.
У 1825 скончыў Дэрпцкі (цяпер Тартускі) універсітэт. Прафесар Казанскага (1833-36) і Дэрпцкага (1836-67) універсітэтаў. Вывучаў флору Алтая. У 1830-32 гадах падарожнічаў па Манголіі і Кітаі. У 1857-59 гадах удзельнічаў у экспедыцыях Рускага геаграфічнага таварыства ў Персію. З 1867 года апрацоўваў сабраны ім матэрыял. Аўтар манаграфій па сістэматыцы шэрагу родаў кветкавых раслін; апісаў шмат новых відаў. Бунгэ — адзін з заснавальнікаў географа-марфалагічнага метаду ў сістэматыцы раслін.