Выдрэ́йскі сельсавет — былая адміністрацыйна-тэрытарыяльная адзінка ў складзе Лёзненскага раёна Віцебскай вобласці. Цэнтр — вёска Вялікая Выдрэя.
Утвораны 20 жніўня 1924 года ў складзе Высачанскага раёна Віцебскай акругі БССР. Цэнтр — вёска Малая Выдрэя. Пасля скасавання акруговай сістэмы 26 ліпеня 1930 года ў Высачанскім раёне БССР. З 8 ліпеня 1931 года сельсавет у складзе Лёзненскага раёна БССР, з 20 лютага 1938 года — Віцебскай вобласці. У 1939 годзе цэнтр сельсавета перанесены ў вёску Вялікая Выдрэя. 23 лістапада 1959 года скасаваны, тэрыторыя далучана да Стасеўскага (8 населеных пунктаў: Вялікая Выдрэя, Малая Выдрэя, Станцыя Выдрэя, Клімчонкі, Мерзлякова, Пагосцішча, Хамяны і Чыкаўшчына) і Дабрамысленскага (3 населеныя пункты: вёскі Бор, Мар’янова і Рэчкі) сельсаветаў[1].
На момант скасавання ў склад сельсавета ўваходзілі 11 населеных пунктаў.