У Вікіпедыі ёсць артыкулы пра іншых асоб з прозвішчам Сляскі. Войцех Сляскі (польск.: Wojciech Slaski, каля 1585, Мазовія — 11 жніўня 1653, Фромбарк, Вармія) — дзеяч каталіцкага касцёла і Ордэна езуітаў, педагог.
Уступіў у Таварыства Ісуса 27 ліпеня 1607 г. у Вільні. Прафесар маральнай тэалогіі (1615—1616) у Пултуску. Прафесар пазітыўнай і палемічнай тэалогіі (1618—1622) і рэктар (1623—1627, 1630—1635) Нясвіжскага езуіцкага калегіума. З 1635 па 1638 гг. — рэктар Полацкага езуіцкага калегіума. У 1638—1639 гг. — сакратар правінцыяла.
Спаведнік Аляксандра Радзівіла (1627—1630) і канцлера Томаша Уейскага (1643—1653). Каля 1650 г. быў таксама спаведнікам і капеланам караля Яна Казіміра. Прыдворны місіянер Ежы Асалінскага[2].