wd wp Пошук:
    ⬜

    Вогнішча

    Традыцыйнае вогнішча студэнтаў (Aggie Bonfire) в College Station, США

    Вогнішча — кантралюемы агонь. Уяўляе сабою падпаленыя драўляныя матэрыялы (бярвенне, палены, дровы, галлё), складзеныя асаблівым чынам, звычайна на адкрытым паветры. Можа насіць рытуальнае і прапагандысцкае (напрыклад піянерскае вогнішча) значэнне. Ва ўтылітарных мэтах выкарыстоўваецца для асвятлення і абагравання, прыгатавання ежы, адпужвання дзікіх жывёл, для тэхналагічных працэсаў (выраб вугля, абпал керамікі і г.д.), для знішчэння смецця, а таксама для сігналізацыі і арыентавання (напрыклад, пасадка самалёта ў адсутнасці ўладкаванай узлётна-пасадачнай паласы).

    Цяпер для развядзення вогнішчаў заканадаўствам прад’яўляецца шэраг патрабаванняў, напрыклад старанна абранае месца, у якім немагчыма выпадковае ўзгаранне травы ці леса.

    Рытуальнае вогнішча

    Традыцыйнае вогнішча на Юханус, пушчаны па вадзе. (Лапеэнранта, Фінляндыя)

    Вогнішча часта было і працягвае заставацца рытуальнай формай. Яно — неад’емная частка шматлікіх каляндарных, а таксама сямейных, гаспадарчых, лячэбных і іншых абрадаў. Вялікая частка вогнішчаў прымеркавана да свят вяснова-летняга цыклу (ад Масленіцы да Пятрова дня), радзей іх паляць у іншы час (увосень, пад Ражство ці Новы год).

    Вогнішча, гатовае да падпальвання

    Каляндарнае вогнішча ўяўляе сабою:

    1. груду гаручага матэрыялу (уласна вогнішча),
    2. жэрдка (часта з умацаванымі на ёй прадметамі, напрыклад колам [1]), ссечанае дрэва, пучок галінак ці зеляні,
    3. факелы ці прадметы, іх што імітуюць,
    4. падпаленыя стрэлы ці «шайбы».

    Апроч стацыянарных вогнішчаў практыкуецца катанне па зямлі падпаленых колаў, бочак бярвення, а таксама пусканне вогнішча па вадзе (напрыклад, у Фінляндыі на Юханус). Найбольш характэрным для агульнасельскіх вогнішчаў з’яўляецца спалучэнне некалькіх формаў.

    Каляндарным вогнішчам надаецца сэнс ачышчальнага дзеяння. Гэта прыкметна па звычаю спальваць у вогнішчы рэшткі рытуальнай ежы, культурных раслін, усе прадметы, якія выйшлі з ужывання, нават тыя, якія не гараць. Для некаторых відаў каляндарных вогнішчаў ачышчальнае значэнне было пануючым: такія ўсходнебалканскія сакавіцкія вогнішчы, калі людзі чысцілі двары і сады і спальвалі смецце. [2]

    Галерэя

    Зноскі

    1. ↑ Russian neo-pagans roll a burning wheel that symbolizes the Sun celebrating the summer solstice in Maloyaroslavets(недаступная спасылка) — daylife.com
    2. ↑ Вогнішча, Слоўнік паганскай міфалогіі славян

    Гл. таксама

    Спасылкі

    Тэмы гэтай старонкі (3):
    Катэгорыя·Крыніцы агню
    Катэгорыя·Тэрмадынаміка
    Катэгорыя·Вікіпедыя·Артыкулы з непрацоўнымі спасылкамі