Весляры, Граблякі[1][2] (Corixidae) — сямейства насякомых з атраду клапоў. У сямействе апісана каля 550 відаў.
Клапы дробных і сярэдніх памераў; у даўжыню дасягаюць ад 1,5 да 15 мм. Пярэднія лапкі аднасегментныя, звычайна пашыраныя ў лапатачку. Хабаток не раздзелены. Галава вертыкальная, падагнутая пад грудзі. Простых вочак няма[1].
Сілкуюцца як жывёльнай і расліннай ежай. У перыяд цвіцення вады прадстаўнікі падсямейства Micronectinae сілкуюцца пераважнай водарасцямі і цыянабактэрыямі. Прадстаўнікі родаў Callicorixa, Glaenocorisa, Arctocorisa, Cenocorisa і іншыя з’яўляюцца драпежнікамі, сілкуюцца лічынкамі двукрылых, чарвякоў і ракападобных. Ва ўмовах галадання самкі могуць есці ўласныя яйцы[2].