Ваўкавыскае Евангелле
Ваўкавыскае Евангелле — старабеларускі рукапісны помнік XVI стагоддзя. Месца стварэння невядомае. Зробленая на кнізе ў 1751 годзе прэсвітарам «церкви Волковицкой» айцом Іаанам Савічам прыпіска дазволіла Віктару Шматаву звязаць Евангелле з Ваўкавыскам, аднак магчыма, што кніга знаходзілася ў вёсцы Ваўкавічы Навагрудскага павета. У XIX стагоддзі А. Рачынскі вывез Евангелле з Віцебскага Маркавага манастыра ў Віленскую публічную бібліятэку.
Апісанне
Ваўкавыскае Евангелле – рэдкі ўзор старабеларускай рукапіснай кнігі рэнесансавага стылю: шматколерныя раслінныя арнаменты ініцыялаў і заставак выходзяць на правае і левае палі рукапісу. Рукапіс пашкоджаны: няма пачатку Евангелляў ад Марка, Матфея, няправільна збрашураваны Саборнік 12 месяцаў і казанні евангелістаў на кожны дзень (у канцы кнігі). Зберагаецца ў бібліятэцы АН Літвы (Вільня).
Літаратура
- Добрянский, Ф. Описание рукописей Виленской публичной библиотеки, церковнославянских и русских / составил Ф. Добрянский. — Вильна, 1882. — LV, [1], 533 с. — С. 36 — 38.
- Нікалаеў, М. Палата кнігапісная: Рукапiсная кніга на Беларусi ў Х — ХVIII стагоддзях / Рэд. М. М. Розаў, А. С. Мыльнікаў; Худож. У. М. Вішнеўскі. — Мн.: Мастацкая літаратура, 1993. — 239 с. — ISBN 5-340-01249-2
Катэгорыя·Бібліятэка Акадэміі навук Літвы
Катэгорыя·Свята-Троіцкі Маркаў манастыр
Катэгорыя·Літаратурныя творы на старабеларускай мове
Катэгорыя·Творы XVI стагоддзя
Катэгорыя·Евангеллі
Катэгорыя·Рукапісы Евангелляў