Васілёк фрыгійскі[3] (Centaurea phrygia) — від шматгадовых раслін сямейства Астравыя (Asteraceae), які расце ў Еўропе.
Шматгадовая расліна. Сцябло адзіночнае, прамастаячае, рабрыстае, расце ў вышыню да 10-80 см. У ліпені на верхавінах сцёблаў расцвітаюць ружова-пурпуровыя кошыкі, сабраныя ў выглядзе шчытка. Квітненне працяглае, 40-45 дзён, з ліпеня да верасня. У жніўні спее насенне, сямянка даўжынёю 2-3 мм заўсёды з чубком[4]. Уся расліна пакрыта рэдкімі валаскамі[5][6][7][8].
Выхадзец з Еўропы, але інтрадуцыраваны ў Паўночнай Амерыцы, таксама пашыраны на Урале і ў Сібіры[5][4]. Сустракаецца на лугах, палянах і ўзлесках[6].
Уключаны ў Чырвоныя кнігі Ліпецкай вобласці, Цюменскай вобласці, Удмуртыі[8].