У Вікіпедыі ёсць артыкулы пра іншых асоб з прозвішчам Клімкоў.
Васіль Ціханавіч Клімкоў (нар. 18 мая 1938, х. Зацішча, Круглянскі раён, Магілёўская вобласць) — беларускі спецыяліст у галіне сельскагаспадарчай меліярацыі. Доктар тэхнічных навук (1997), прафесар (2008).
Скончыў Беларуская дзяржаўная сельскагаспадарчая акадэмія (гідрамеліярацыйны факультэт, 1962).
Працаваў у Беларускім навукова-даследчым інстытуце меліярацыі і лугаводства (1962—2002, вядучы навуковы супрацоўнік, загадчык аддзела), Беларускім нацыянальным тэхнічным універсітэце (2002—2017, прафесар кафедры «Водазабеспячэнне і водаадвядзенне»).
Навуковыя інтарэсы: удасканаленне канструкцый меліярацыйных сістэм сельскагаспадарчага дрэнажу і водазабеспячэння.