У Вікіпедыі ёсць артыкулы пра іншых асоб з прозвішчам Міхайлаў. Васіль Міхайлаў — беларускі казачнік канца XIX стагоддзя з в. Бердзябякі Ельнінскага павета Смаленскай губерні. Адзін з інфарматараў У. М. Дабравольскага. Рэпертуар Міхайлава складалі чарадзейныя, сацыяльна-бытавыя, навелістычныя казкі, анекдоты, замовы. Асабліва цікавыя казкі Міхайлава «Аб Іване Гадзімавічы, Аляксеі Гадзімавічы, Стаўры Гадзімавічы» і «Казка пра Івана Іванавіча, купецкага сына», з якой кантамінуецца некалькі сюжэтаў. Валодаў багатай палітрай мастацкага слова, выкарыстоўваў прыказкі і прымаўкі.