У Вікіпедыі ёсць артыкулы пра іншых асоб з прозвішчам Паўлаў. Васіль Іванавіч Паўлаў (1852 — ?) — грамадзянскі інжынер, архітэктар[1].
Нарадзіўся ў 1852 годзе. У 1867 годзе паступіў у Пецярбургскае будаўнічае вучылішча, з якога выпушчаны ў 1874 годзе архітэктарскім памочнікам з правам на чын XII класа і прызначаны на пасаду валагодскага малодшага інжынера, у тым жа годзе выйшаў у адстаўку[1]. У 1876 годзе прызначаны сувалкскім павятовым інжынерам і архітэктарам. У 1879 годзе вытрымаў экзамен на званне грамадзянскага інжынера і потым займаў пасады: астроўскага, Ломжынскай губерні, інжынера і архітэктара (1881), малодшага інжынера Мінскай губерні (1883), таксама — Варонежскай губерні (1884) і падольскага губернскага архітэктара (1886)[1]. З 1891 года быў губернскім інжынерам аддзялення па будаўнічай і дарожнай часткам пры енісейскім губернскім савеце[1].
З 1900 года і прынамсі да 1903 года на пасадзе гродзенскага губернскага інжынера.