Варыстар
Варыстар (англ.: vari(able) (resi)stor — пераменны рэзістар) — паўправадніковы рэзістар, электрычнае супраціўленне якога залежыць ад прыкладзенага напружання.
Паводле канструкцыі бываюць у выглядзе дыска, таблеткі, стрыжня, пацеркі і інш. Маюць сіметрычную нелінейную вольт-амперную характарыстыку. Выкарыстоўваецца ў прыладах для стабілізацыі і рэгулявання напружання і току, электрычнай аховы, мадулятарах і памнажальніках частаты.
Літаратура
- Беларуская энцыклапедыя: У 18 т. Т. 4: Варанецкі — Гальфстрым / Рэдкал.: Г. П. Пашкоў і інш. — Мн.: БелЭн, 1997. — Т. 4. — 480 с. — 10 000 экз. — ISBN 985-11-0090-0
- Бензарь В. К. Словарь-справочник по электротехнике, промышленной электронике и автоматике. — 2-е изд. — Мн.: Вышэйшая школа, 1985. — С. 20. — 176 с. — 20 000 экз.(руск.)
Катэгорыя·Паўправадніковыя прылады