У Вікіпедыі ёсць артыкулы пра іншых асоб з прозвішчам Вялічка. Валянці́н Уладзі́міравіч Вялі́чка (15 чэрвеня 1944, Валожынскі раён Мінскай вобласці — 9 сакавіка 2018[1]) — беларускі эканаміст, дыпламат. Надзвычайны і Паўнамоцны Пасол Рэспублікі Беларусь ва Украіне (2001—2016).
Нарадзіўся 15 чэрвеня 1944 года. Па нацыянальнасці беларус. Скончыў Ленінградскі тэхналагічны інстытут, аспірантуру Акадэміі грамадскіх навук пры ЦК КПСС, кандыдат эканамічных навук.
Працаваў на вытворчасці, на камсамольскай працы, быў кіраўніком раённага і абласнога ўзроўню на савецкай і партыйнай працы ў Гомельскай вобласці.
1993—1997 гг. — Надзвычайны і Паўнамоцны Пасол Рэспублікі Беларусь у Латвійскай Рэспубліцы і Фінляндскай Рэспубліцы (па сумяшчальніцтву)
1997—1999 гг. — Міністр па справах СНД
1999—2001 гг. — Першы намеснік Міністра замежных спраў Рэспублікі Беларусь
15 чэрвеня 2001 г. — Надзвычайны і Паўнамоцны Пасол Рэспублікі Беларусь ва Украіне.
Памёр 9 сакавіка 2018 года.