wd wp Пошук: ⬜

Валянцін Мікалаевіч Малышаў

У Вікіпедыі ёсць артыкулы пра іншых асоб з прозвішчам Малышаў. Валянцін Мікалаевіч Малышаў (1 снежня 1931, Ленінград) — беларускі архітэктар. Заслужаны архітэктар БССР (1983).

Біяграфія

Скончыў у 1958 годзе Ленінградскі інстытут жывапісу, скульптуры і архітэктуры імя Рэпіна. У 1958—1992 гадах працаваў у інстытуце «Белдзяржпраект», архітэктар, старэйшы архітэктар, кіраўнік групы, галоўны архітэктар праектаў, кіраўнік архітэктурна-канструктарскай майстэрні, намеснік дырэктара па архітэктуры — галоўны архітэктар інстытута[1].

Член Саюза архітэктараў СССР з 1960 года, пасля член Саюза архітэктараў Беларусі; член праўлення Саюза архітэктараў БССР, член горадабудаўнічага савета ГалоўАПУ Мінгарвыканкама, старшыня мастацкага савета Міністэрства будаўніцтва БССР, член тэхнічнага камітэта па будаўніцтве Міністэрства архітэктуры і будаўніцтва Рэспублікі Беларусь [1].

Творчасць

Асноўныя працы: серыя тыпавых праектаў дзіцячых садкоў-ясляў (1960)[2], Палацы спорту ў Мінску (1966, з С. Д. Філімонавым), Валгаградзе [ru], Днепрапятроўску, Чалябінску [ru] (у суаўтарстве з Д. С. Філімонавым)[1]; корпус бальніцы Лячсанупраўлення (1968), Рэспубліканская школа-інтэрнат па музыцы і выяўленчым мастацтве (1969), кінатэатр «Кастрычнік» (1975 г.), генплан акадэмгарадка па вуліцы Жодзінскай, Дом праектных арганізацый Дзяржбуда Беларусі ў Мінску (1980), Палац культуры (1967, у сааўт. з Д. С. Філімонавым) у Салігорску, конна-спартыўны манеж у Ратамцы (1969) пад Мінскам, серыя буйнапанэльных жылых дамоў для Гродна, Гомеля, Брэста, Бабруйска (1972—1977); санаторыі «Беларусь» у Друскінінкаі (Літва, 1972) і «Беларусь» у Юрмале (Латвія, 1976), навучальна-лабараторны і спартыўны комплекс Беларускага політэхнічнага інстытута (1975, з А. М. Канстанціновічам) ў г. Мінску, удасканаленне серыі буйнапанэльных жылых дамоў 1-464 (1960), серыі буйнапанэльных жылых дамоў і блок-секцый для Бабруйска, генплан Акадэмгарадка АН БССР (1970), забудова пас. Муякан Байкала-Амурскай чыгуначнай магістралі і мікрараёнаў пас. Лангепас Цюменскай вобласці (1981); станцыя Таксімо [ru] на БАМе і інш.

Аўтар навуковых прац: «Новыя сістэмы тыпізацыі ў індустрыяльным домабудаванні» (1975), «Агляд праектных рашэнняў жылых дамоў 1960—1977 гг. будаўніцтва» (1976), «Прагноз перспектыўнага развіцця індустрыяльнага домабудавання ў БССР» (1977)[2].

Узнагароды

Узнагароджаны медалём «За працоўнае адрозненне», Ганаровай граматай Вярхоўнага Савета БССР (1967), бронзавым медалём ВДНГ, медалём «Ветэран працы». Заслужаны архітэктар БССР (1983)[1]. На Усесаюзным конкурсе — «Праектныя прапановы архітэктурна-горадабудаўнічага рашэння забудовы Ульянаўскага дзяржуніверсітэта і прылеглых да яго тэрыторый» — 1-я прэмія (1987, у аўтарскім калектыве)[2].

Зноскі

1 2 3 4 Малышев Валентин Николаевич // Кто есть Кто в Республике Беларусь. Архитекторы Беларуси. / Редакционный совет: И. В. Чекалов (пред.) и др. Минск: Энциклопедикс, 2014. −140 с. ISBN 978-985-7090-29-7.(руск.)
1 2 3 Малышев Валентин Николаевич // Архитекторы Советской Белоруссии: Биогр. справочник / Союз архитекторов БССР; Сост. В. И. Аникин и др.. — Мн.: Беларусь, 1991. — 262 с. — ISBN 5-338-00611-1.(руск.)

Літаратура

Малышаў Валянцін Мікалаевіч // Беларуская энцыклапедыя: У 18 т. / Рэдкал.: Г. П. Пашкоў і інш.. — Мн.: БелЭн, 2000. — Т. 10: Малайзія — Мугаджары. — 544 с. — 10 000 экз. — ISBN 985-11-0169-9 (т. 10), ISBN 985-11-0035-8.
Малышаў Валянцін Мікалаевіч // Архітэктура Беларусі: Энцыклапедычны даведнік. — Мн.: БелЭн, 1993. — 620 с. — ISBN 5-85700-078-5.
Малышев Валентин Николаевич // Кто есть Кто в Республике Беларусь. Архитекторы Беларуси. / Редакционный совет: И. В. Чекалов (пред.) и др. Минск: Энциклопедикс, 2014. −140 с. ISBN 978-985-7090-29-7.(руск.)
Малышев Валентин Николаевич // Архитекторы Советской Белоруссии: Биогр. справочник / Союз архитекторов БССР; Сост. В. И. Аникин и др.. — Мн.: Беларусь, 1991. — 262 с. — ISBN 5-338-00611-1.(руск.)