У Вікіпедыі ёсць артыкулы пра іншых асоб з прозвішчам Собаль (значэнні). Валянці́н Енісе́евіч Со́баль (4 сакавіка 1949, Паставы) — беларускі археолаг. Кандыдат гістарычных навук (1988).
У 1972 скончыў Беларускі дзяржаўны ўніверсітэт. 3 1974 навуковы супрацоўнік Інстытута гісторыі АН Беларусі, з 1988 археолаг Беларускага рэстаўрацыйна-праектнага інстытута.
Даследуе помнікі архітэктуры археалагічнымі метадамі, храналогію культурных пластоў, матэрыяльную культуру беларускіх гарадоў XIV—XVIII стст. Браў удзел у даследаванні помнікаў архітэктуры Брэста, Мінска, Полацка, Мсціслава, Гродна, Міра. Адзін з аўтараў альбому «Беларуская кафля».[1]