Валерый Уладзіміравіч Гуськоў (нар. 12 сакавіка 1932, Іркуцк, Расія}) — беларускі спецыяліст у галіне аўтамабіле- і трактарабудавання. Кандыдат тэхнічных навук (1960), доктар тэхнічных навук (1969), прафесар (1972).
Скончыў Томскі політэхнічны інстытут (1953), Інстытут механізацыі сельскай гаспадаркі АН СССР (аспірантура, 1959).
Працаваў на Мінскам трактарным заводзе (1953—1956, інжынер-канструктар, старшы інжынер-канструктар, начальнік канструктарскага бюро), Цэнтральным навукова-даследчым інстытуце механізацыі і электрыфікацыі сельскай гаспадаркі Нечарназёмнай зоны СССР (Мінск; 1959—1964, старшы навуковы супрацоўнік), Беларускім нацыянальным тэхнічным універсітэце (з 1963, кафедра «Трактары», прафесар, у 1974—1991 — загадчык кафедры).
Навуковыя інтарэсы: тэорыя, разлік, канструяванне і выпрабаванні мабільных машын.
Званне «Заслужаны дзеяч навукі і тэхнікі Беларускай ССР» (1979), Дзяржаўная прэмія Рэспублікі Беларусь (1996), медаль «Ветэран працы» (1991).