Валерый Інакенцьевіч Пахабаў (нар. 1 студзеня 1947, Талачын, Віцебская вобласць) — беларускі эканаміст. Доктар эканамічных навук (1993), кандыдат тэхнічных навук (1974), прафесар (1995).
Скончыў Беларускі політэхнічны інстытут (спецыяльнасць «Аўтамабільны транспарт», 1968), Цэнтральны навукова-даследчы інстытут механізацыі і электрыфікацыі сельскай гаспадаркі Нечарназёмнай зоны СССР (аспірантура, 1974).
Працаваў на трэсце «Віліямінскводбуд» (1968—1971), ЦНДІМЭСГ Нечарназёмнай зоны СССР (1974—1977), Усесаюзным навукова-даследчым і тэхналагічным інстытуцу мантажу, эксплуатацыі і рамонту машын і абсталявання жывёлагадоўчых і птушкагадоўчых ферм (1977—1978), Беларускім нацыянальным тэхнічным універсітэце (1978—1997 — прафесар кафедры «Эканоміка і арганізацыя аўтатрактарнай вытворчасці і аўтамабільнага транспарту», 1997—1999 — загадчык кафедры «Маркетынг», 1999—2004 — кафедры «Эканоміка і арганізацыя машынабудаўнічай вытворчасці», 2004—2012 — прафесар кафедры).
Навуковыя інтарэсы: эканоміка і арганізацыя вытворчасці; маркетынг; энергазберажэнне ў машынабудаванні; лізінг; лагістыка ў сферы вытворчасці, збыту і транспарту.