Валенцій Пачкоўскі (польск.: Walenty Paczkowski; 22 лютага 1711, Мазовія — 16 мая 1784, Плоцк) — святар, педагог.
Уступіў у Таварыства Ісуса 14 жніўня 1729 г. у Вільні. Прафесар рыторыкі ў Менску (1742—1743), Пултуску (1743—1744) і Полацку (1744—1745). Прафесар маральнай тэалогіі (1745—1746) і філасофіі (1746—1748) у Драгічыне. Прафесар філасофіі ў Навагрудку (1750—1751) і Нясвіжы (1751—1753). Прафесар маральнай тэалогіі і прэфект школ у Вільні (1754—1755). Прафесар тэалогіі і кананічнага права і прэфект школ (1759—1761), а потым рэктар Полацкага езуіцкага калегіума (1766—1770).
Пасля скасавання Таварыства Ісуса (1773) быў школьным прапаведнікам (1781—1782) у Плоцку і плоцкім канонікам[1].