У Вікіпедыі ёсць артыкулы пра іншых асоб з прозвішчам Акапян.
Вадзім Мікалаевіч Акапян (нар. 23 студзеня 1963, Калінінград) — дырэктар Музея гісторыі і культуры яўрэяў Беларусі (2012-2019), старшыня беларускага Грамадскага аб’яднання Рэспубліканскі фонд «Халакост» (2012-2019), намеснік старшыні Саюза беларускіх яўрэйскіх грамадскіх аб’яднанняў і абшчын (2016-2021).
Вадзім Акапян нарадзіўся ў Калінінградзе ў 1963 годзе. Бацька — Акапян Мікалай Аракелавіч, кіроўца, маці — Акапян (Клігер) Фаіна Гершэн-Гецелеўна, бухгалтар. У 1964 годзе сям’я пераехала ў Віцебск.
У 1985 годзе скончыў хімічны факультэт Беларускага дзяржаўнага ўніверсітэта (БДУ). Пасля заканчэння працаваў у Мінску на прадпрыемствах электроннай прамысловасці. У 2016 годзе таксама атрымаў ступень бакалаўра на гістарычным факультэце Адкрытага універсітэта Ізраіля beru.
З 2012 па 2019 год займаў пасаду дырэктара Музея гісторыі і культуры яўрэяў Беларусі[1][2][3][4][5]. У гэты ж перыяд з’яўляўся старшынёй Грамадскага аб’яднання «Рэспубліканскі фонд „Халакост“»[6][7][8].
З 2016 да 2021 года быў намеснікам старшыні Саюза беларускіх яўрэйскіх грамадскіх аб’яднанняў і абшчын[9][10].
З 2014 года да цяперашняга часу — намеснік старшыні Мемарыяльнага камітэта па захаванні памяці аб ахвярах Халакосту beru ў Рэспубліцы Беларусь[11].
Жанаты, двое дзяцей.