У Вікіпедыі ёсць артыкулы пра іншых асоб з прозвішчам Круталевіч. Вадзім Андрэевіч Круталевіч (4 ліпеня 1922, Малое Хонава, Магілёўскага раёна — 9 красавіка 2006) — беларускі юрыст, гісторык, сацыёлаг. Доктар юрыдычных навук (1974), прафесар (1987).
Нарадзіўся ў сялянскай сям’і. Удзельнік Вялікай Айчыннай вайны.
Скончыў Маскоўскі дзяржаўны ўніверсітэт. У Інстытуце філасофіі і права Акадэміі навук БССР: старшы навуковы супрацоўнік (1954), загадчык сектара (1979), вядучы навуковы супрацоўнік (1989), галоўны навуковы супрацоўнік (1992).
У 1974 годзе абараніў доктарскую дысертацыю (БДУ; «Правал контррэвалюцыйных планаў стварэння беларускай буржуазнай дзяржавы і ўтварэння БССР (Кастрычнік 1917 — лют. 1919 г.)»).
З 1996 года з’яўляўся членам Прававога кансультатыўнага савета пры Прэзідэнце Рэспублікі Беларусь.
Займаўся даследаваннямі ў галіне тэорыі дзяржавы і права, гісторыі нацыянальнага дзяржаўнага будаўніцтва Беларусі, праблем нацыянальна-адраджэнскага руху, сістэматызацыі і кадыфікацыі заканадаўства і інш.
З’яўляўся сааўтарам прац «Социальные изменения в современном селе» (1978), «Межхозяйственное кооперирование и социальные изменения в деревне» (1980), «На пути к правовому государству : совершенствование правовой сферы» (2004).