Бу Карпелан (шв. Bo Carpelan, 25 кастрычніка 1926, Хельсінкі — 11 лютага 2011, Эспаа) — фінскі шведскамоўны паэт, пісьменнік і перакладчык.
Пачынаў сваю літаратурную дзейнасць як паэт, пазней стаў таксама пісаць прозу. Аўтар вялікай колькасці апублікаваных паэтычных зборнікаў, кніг прозы, п’ес, кніг для дзяцей і юнацтва. Быў адным з найбольш вядомых пісьменнікаў Фінляндыі, якія пішуць на шведскай мове; многія яго творы былі перакладзеныя на розныя мовы свету.