У Вікіпедыі ёсць артыкулы пра іншых асоб з прозвішчам Дылер.
Бургόйн (Бергойн) Ды́лер (англ.: Burgoyne A. Diller; 13 студзеня 1906, Бронкс, Нью-Ёрк — 30 студзеня 1965, Бруклін, Нью-Ёрк) — амерыканскі мастак-абстракцыяніст, малявальшчык, мастацкі адміністратар, манументаліст другой трэці XX стагоддзя.
Глыбока пагружаны ў праблемы развіцця еўрапейскага жывапісу, Бургойн Дылер першым на Амерыканскім кантыненце пачаў увасабляць авангардныя ідэі групы Дэ Стэйл. На сваім кароткім творчым шляху, які супаў з суровымі гадамі эканамічнага крызісу ў ЗША, ён да канца застаўся мастаком-ідэалістам, які сцвярджаў веру ў духоўную эвалюцыю і асабістае самаўдасканаленне.