wd wp Пошук:
    ⬜

    Будынак абутковай фабрыкі Цытвера

    Буды́нак абутко́вай фа́брыкі М. Цы́твера[1] — будынак у Мінску, размешчаны ў Траецкім прадмесці па адрасе вул. Максіма Багдановіча, 15 (ранейшы адрас — вул. Аляксандраўская, 11). Разам з дамамі № 13 і 17 уяўляе сабой вялікі аб’ёмны будынак, які мае адзіны план сіметрычнай кампазіцыі, адзіны дваровы фасад. У будынках размешчаны Дзяржаўны музей гісторыі беларускай літаратуры.

    Гісторыя

    Пабудаваны ў XX ст. з цэглы. Абутковая фабрыка адкрылася ў 1871 годзе як шавецкая майстэрня. Абутак шыўся з загатовак, што паступалі ад рамеснікаў[2]. Вядома, што ў 1913 годзе на фабрыцы было занята 40 працоўных, дзейнічаў рухавік. У тым жа годзе было выраблена абутку на 55 тысяч рублёў[3].

    Архітэктура

    Дом № 15 уяўляе сабой двухпавярховы будынак, падзелены па гарызанталі карнізным поясам. Другі паверх дома члянёны лучковымі вокнамі ў простых ліштвах, некаторыя з іх дапоўнены лучковымі сандрыкамі. Цэнтр агульнага з дамамі № 13 і 17 дваровага фасада вылучаны неглыбокім рызалітам з плоскімі лапаткамі па вуглах і ступеньчатым атыкам. Бакавыя рызаліты дваровага фасада завершаны трохвугольнымі люкарнамі. На другім паверсе праходзіць лёгкая драўляная галерэя, на якую вядзе лесвіца.

    Зноскі

    1. ↑ Мінск (нявызн.) (недаступная спасылка). Глобус Беларусі. Архівавана з першакрыніцы 23 снежня 2021. Праверана 14 снежня 2010.
    2. ↑ Минскъ сто гадоў таму, 2007, с. 221
    3. ↑ Вуліца Максіма Багдановіча (нявызн.) (недаступная спасылка). Мінск стары і новы. Архівавана з першакрыніцы 14 верасня 2011. Праверана 14 снежня 2010.

    Літаратура

    Спасылкі

    Тэмы гэтай старонкі (8):
    XX стагоддзе ў Мінску
    З’явіліся ў XX стагоддзі
    Траецкае прадмесце
    Вікіпедыя:Артыкулы з пераазначэннем значэння з Вікідадзеных
    Артыкулы са спасылкамі на Глобус Беларусі
    Гісторыка-культурныя каштоўнасці Рэспублікі Беларусь
    Вуліца Максіма Багдановіча (Мінск)
    Будынкі і збудаванні Мінска