Беркшыр (англ.: Berkshire) — гістарычнае і цырыманіяльнае графства на поўдні Англіі, у даліне ракі Тэмзы. Уваходзіць у склад Паўднёва-Усходняй Англіі. Сталіца і найбуйнейшы горад — Рэдынг. Насельніцтва 812 200 чалавек (26-е месца сярод графстваў; ацэнка 2005 года). Агульная плошча тэрыторыі 1262 км² (40-е месца). Мяжуе на ўсходзе з Вялікім Лонданам, на паўднёвым усходзе з Сурэем, на поўдні з Хэмпшырам, на захадзе з Уілтшырам, на поўначы з Оксфардшырам, на паўночным усходзе з Бакінгемшырам.