Берагава́я Слабада́[1] (трансліт.: Bierahavaja Slabada, руск.: Береговая Слобода) — вёска ў Рэчыцкім раёне Гомельскай вобласці. Уваходзіць у склад Глыбаўскага сельсавета.
Вынікі археалагічных раскопак паказваюць, што першае пасяленне людзей каля вёскі існавала ў першабытнаабшчынным часе, задоўга да ўтварэння вёскі. На заходняй ускраіне знаходзіцца стаянка каменнага века.
У вёсцы бытуе паданне, што нібыта ў гэтым месцы ў гады Паўночнай вайны сышліся два атрады — шведскі і рускі. Адбыўся кровапралітны бой. Ноччу пакінутыя ў жывых і абсалютна знясіліныя рускія салдаты адкінулі шведаў і перамаглі, натхнёныя самой Божай Маці[2].
У 1926—1927 гадах цэнтр Берагава-Слабадскога сельсавета.