Бе́лкаўскі сельсаве́т — былая адміністрацыйна-тэрытарыяльная адзінка ў складзе Петрыкаўскага раёна Гомельскай вобласці. Цэнтр — вёска Белка.
Створаны 21 жніўня 1925 года ў складзе Петрыкаўскага раёна Мазырскай акругі БССР. Пасля скасавання акруговай сістэмы 26 ліпеня 1930 года ў Петрыкаўскім раёне БССР. З 21 чэрвеня 1935 года ў Петрыкаўскім раёне Мазырскай акругі, з 20 лютага 1938 года — Палескай вобласці, з 8 студзеня 1954 года — Гомельскай вобласці. 2 ліпеня 1959 года сельсавет скасаваны, населеныя пункты Гараваха, Маісеевічы, Чарноцкае перададзены ў склад Макарыцкага сельсавета, Бяланавічы і Навасёлкі — у адміністрацыйнае падпарадкаванне Петрыкаўскага гарсавета, вёскі Белка і Чырвоны Агароднік уключаны ў мяжу горада Петрыкаў[1].