У Вікіпедыі ёсць артыкулы пра іншых асоб з прозвішчам Кун.
Бела Кун (венг.: Kun Béla; 20 лютага 1886, вёска Леле каля г. Сіладзьчэх (цяпер Чэху-Сільваніэй, жудзец Сэлаж), Трансільванія — 29 жніўня 1938, Масква) — венгерскі і савецкі камуністычны палітычны дзеяч і журналіст. У сакавіку 1919 года абвясціў Венгерскую Савецкую Рэспубліку, якая праіснавала 133 дня. У лістападзе 1920 года пасля ўстанаўлення ў Крыме савецкай улады быў прызначаны старшынёй Крымскага рэўкама. На гэтай пасадзе стаў арганізатарам і актыўным удзельнікам масавых забойстваў у Крыме.