wd wp Пошук:
    ⬜

    Беларуска-ўкраінская граніца

    Карта Рэчы Паспалітай пасля Люблінскай уніі з пазначэннем граніц

    Беларуска-ўкраінская граніца — дзяржаўная граніца працягласцю каля 1 084 км[1]. Пачынаецца ад патройнага сутыку з Польшчай на захадзе і цягнецца да патройнага сутыку з Расіяй на ўсходзе.

    Гісторыя

    Сучасная дзяржаўная граніца паходзіць з верасня 1939 года — часоў далучэння Заходняй Беларусі да БССР і Заходняй Украіны да УССР.

    Аднак граніца мае гістарычныя карані, бо прыблізна гэтаксама праходзіў падзел паміж Вялікім Княствам Літоўскім і Каралеўствам Польскім згодна з Люблінскай уніяй. Пасля падзелаў Рэчы Паспалітай, падобны выгляд мела мяжа паміж Гродзенскай і Мінскай губернямі з аднаго боку і Валынскай і Кіеўскай — з іншага.

    У 1-й палове 20 стагоддзя на захадзе падобныя межы падзялялі Палескае і Валынскае ваяводствы міжваеннай Польскай Рэспублікі, а на ўсходзе — савецкія рэспублікі БССР і УССР.

    Упершыню мяжа паміж савецкімі рэспублікамі была прызнана Дагаворам паміж БССР і УССР ад 12 снежня 1990.

    Статус дзяржаўнай граніцы з Украінай нададзены пастановай Вярхоўнага Савета Беларусі ад 11 чэрвеня 1993, але маецца міжнародная дамова паміж Беларуссю і Украінаю, у якой яны наўзаем прызнаюць былыя межы БССР і УССР, прызнаныя ў 1990.

    На сённяшні дзень дзяржаўная граніца рэгулюецца Дамоваю паміж Беларуссю і Украінай аб дружбе, дабрасуседстве і супрацоўніцтве ад 17 чэрвеня 1995. Дамова аб Дзяржаўнай граніцы паміж Беларуссю і Украінай ад 12 мая 1997 у той самы год была ратыфікавана Вярхоўнай Радай Украіны, а ў 2010 і Нацыянальным сходам Рэспублікі Беларусь, аднак бакі не абмяняліся ратыфікацыйнымі граматамі.

    Паводле слоў старшыні Дзяржаўнага пагранічнага камітэта Беларусі Ігара Рачкоўскага працягласць працы па дэмаркацыі граніцы можа заняць да 10 год і патрабуе Br51 млрд[2].

    Падчас візіту Аляксандра Лукашэнка ў Кіеў 18 чэрвеня 2013 года баку падпісалі пратакол аб абмене ратыфікацыйнымі граматамі па дагаворы аб граніцы ад 12 мая 1997 года. Працэс ратыфікацыі завяршыўся нягледзячы на тое, што Украіна так і не выплаціла дзяржаўны доўг, на існаванні якога настойваў афіцыйны Мінск[3].

    Мяжа Вялікага Княства Літоўскага (жоўты) і Вялікага Княства Рускага (карычневы)

    Падчас візіту ў Мінск прэзідэнта Украіны Пятра Парашэнкі 26 жніўня 2014 года прэзідэнт Украіны заявіў аб гатоўнасці паскарэння працэсу дэмаркацыі мяжы з Беларуссю[4].

    Зноскі

    1. ↑ Государственная территория и государственная граница Республики Беларусь Архівавана 3 студзеня 2010.
    2. ↑ Екатерина Нечаева. Для демаркации белорусско-украинской границы потребуется до десяти лет Архівавана 5 жніўня 2018. // БЕЛТА, 19 студзеня 2010
    3. ↑ Беларусь — ЕС: Лёд тронулся(недаступная спасылка)
    4. ↑ Порошенко: Ключова позиція сьогодні — це мир на Донбасі // Hromadske.tv. — 2014.
    Тэмы гэтай старонкі (5):
    Катэгорыя·Беларуска-ўкраінскія адносіны
    Катэгорыя·Граніцы Беларусі
    Катэгорыя·Граніцы Украіны
    Катэгорыя·Вікіпедыя·Артыкулы з непрацоўнымі спасылкамі
    Катэгорыя·Вікіпедыя·Артыкулы з пераазначэннем значэння з Вікідадзеных