Бацецкі (руск.: Бате́цкий) — пасёлак у Наўгародскай вобласці Расіі, адміністрацыйны цэнтр Бацецкага муніцыпальнага раёна і Бацецкага сельскага паселішча. Размешчаны на паўночным захадзе вобласці, на невялікай рацэ Удрайка, прытоку Лугі, за 65 км на паўночны захад ад Вялікага Ноўгарада і за 140 км ад Санкт-Пецярбурга. На 1 студзеня 2009 года — 2117 чалавек. Бацецкі — буйны транспартны вузел, чыгуначная станцыя Бацецкая Санкт-Пецярбург-Віцебскага аддзялення Кастрычніцкай чыгункі. Чыгуначная станцыя размешчана на скрыжаванні магістраляў Санкт-Пецярбург — Дно — (Кіеў, Мінск, Пскоў, Кішынёў) і Ноўгарад — Луга.