wd wp Пошук: ⬜

Барыс Рыгоравіч Плотнікаў

У Вікіпедыі ёсць артыкулы пра іншых асоб з прозвішчам Плотнікаў.

Барыс Рыгоравіч Плотнікаў (руск.: Бори́с Григо́рьевич Пло́тников; 2 красавіка 1949, Няўянск, Свярдлоўская вобласць — 2 снежня 2020, Масква) — савецкі і расійскі акцёр тэатра і кіно, тэатральны педагог. Народны артыст Расійскай Федэрацыі (1998).

Біяграфія

Нарадзіўся 2 красавіка 1949 года ў горадзе Няўянск (Свярдлоўская вобласць). Скончыў школу № 57 у горадзе Новаўральску. Скончыў Свярдлоўскае тэатральнае вучфлішча (1970, курс Ю. Жыгульскага) і філалагічны факультэт Уральскага дзяржаўнага ўніверсітэта (1983).

З 1970 па 1978 год cлужыў у Свярдлоўскім ТЮГу. З 1978 года на сцэне Маскоўскага тэатра сатыры. З 1988 года — Цэнтральнага акадэмічнага тэатра Савецкай Арміі, з 2002 года — у трупе МХТ імя А. П. Чэхава.

У кіно дэбютаваў у 1976 году ў фільме Ларысы Шапіцькі «Узыходжанне», які прынёс яму ўсесаюзную вядомасць. Таксама вядомы па ролі доктара Барменталя ў тэлефільме «Сабачае сэрца».

У 1992 годзе сыграў галоўную ролю зняволенага Данілава ў містэрыі кампазітара Аляксея Рыбнікава «Літургія агалошаных». З’яўляўся прафесарам кафедры майстэрства акцёра, кіраўніком майстэрні ГІТІСа.

Аўтар кнігі «Мая надзея, мука і ўзнагарода…».

Памёр на 72-м годзе жыцця 2 снежня 2020 года ад пнеўманіі, выкліканай каронавіруснай інфекцыяй[1].

Фільмаграфія

«Узыходжанне» (1976), Сотнікаў
Напярэдадні прэм’еры (1978), Лагуцін
Емяльян Пугачоў (1978), іканапісец
«Дзікае паляванне караля Стаха» (1979)], Андрэй Беларэцкі
«Казка пра Зорнага хлопчыка» (1983), псіхолаг сузор’я
Халоднае лета пяцьдзясят трэцяга… (1987), сын Старабагатава
Сабачае сэрца (1988), доктар Бармэнталь

Зноскі

↑ Памёр расейскі актор, які сыграў герояў Быкава і Караткевіча

Спасылкі

На Вікісховішчы ёсць медыяфайлы па тэме Барыс Рыгоравіч Плотнікаў