Барыс Пятровіч Камракоў (нар. 30 кастрычніка 1948, Станіслаў, УССР) — беларускі і расійскі матэматык, доктар фізіка-матэматычных навук (1991), прафесар (1992).
У 1971 годзе скончыў Беларускі дзяржаўны ўніверсітэт. Працуе ў БДУ. Навуковыя працы па дыферэнцыяльнай геаметрыі і падалгебрах Лі. Пабудаваў максімальную кампактыфікацыю сіметрычных прастораў недадатнай крывізны, атрымаў поўную класіфікацыю простых рэчаісных алгебраў Лі.
У 1991 годзе абараніў доктарскую дысертацыю (Прымітыўныя дзеянні і праблемы Софуса Лі) у Тартускім універсітэце.