wd wp Пошук: ⬜

Барыс Пятровіч Захарчэня

Барыс Пятровіч Захарчэня (1 мая 1928, Орша — 10 красавіка 2005, Санкт-Пецярбург) — савецкі і расійскі вучоны-фізік, акадэмік Расійскай акадэміі навук.

Біяграфія

Барыс Пятровіч Захарчэня нарадзіўся ў Оршы. У 1932 пераехаў у Ленінград. У 1952 годзе скончыў фізічны факультэт Ленінградскага дзяржаўнага ўніверсітэта. Затым працаваў у Фізіка-тэхнічным інстытуце АН СССР. У 1963 годзе ўступіў у КПСС. У 1966 годзе абараніў доктарскую дысертацыю на тэму «Магнітааптычныя з’явы ў крышталях». З 1972 года выкладаў у Ленінградскім электратэхнічным інстытуце. 23 снежня 1976 г быў абраны членам-карэспандэнтам Акадэміі навук СССР. 11 чэрвеня 1992 г быў абраны акадэмікам РАН па спецыяльнасці «фізіка».

Навуковыя дасягненні

Адкрыў штарк-эфект эксітона і іанізацыю эксітонных станаў ў слабых знешніх палях. Сумесна з Я. Ф. Гросам адкрыў асцыляцыі магнітапаглынання ў закісу медзі. Даказаў існаванне квазіаднамерных эксітонаў.

Сярод апублікаванага:

Фазовый переход металл-полупроводник и его применение. — Л., 1979. (разам з А. А. Бугаевым і Ф. А. Чудноўскім)

Узнагароды і прэміі

Ленінская прэмія (1966);
Дзяржаўная прэмія СССР (1976);
Залаты медаль імя П. М. Лебедзева (1996);
Ордэн «За заслугі перад Айчынай» IV ступені (1998);
Ордэн «Знак Пашаны»
Прэмія імя А. М. Іофе (2004)

Зноскі

↑ Захарченя Борис Петрович // Большая советская энциклопедия: [в 30 т.] / под ред. А. М. Прохорова — 3-е изд. — М.: Советская энциклопедия, 1969. Праверана 27 верасня 2015.
↑ Барыс Пятровіч Захарчэня (да 70-годдзя з дня нараджэння)(руск.) (pdf) (недаступная спасылка). Фізіка цвёрдага цела том 40 №6. Сайт часопісаў, публікуемых інстытутам Іофэ (13 студзеня 1998). Архівавана з першакрыніцы 15 верасня 2012. Праверана 12 сакавіка 2012.

Літаратура

Беларуская энцыклапедыя: У 18 т. / Рэдкал.: Г. П. Пашкоў і інш.. — Мн.: БелЭн, 1998. — Т. 7: Застаўка — Кантата. — 604 с. — 10 000 экз. — ISBN 985-11-0130-3 (т. 7), ISBN 985-11-0035-8. — С. 11.