wd wp Пошук:
    ⬜

    Баркалабаўскі Свята-Узнясенскі жаночы манастыр

    Свята-Іаана-Прадцечанская царква

    Баркалабаўскі Свята-Узнясенскі жаночы манастыр — жаночы манастыр у Баркалабаве, які існаваў у 1641—1918 гадах. У наш час адраджаецца.

    Гісторыя

    Манастыр у XIX ст.

    Першапачаткова ў Баркалабаве планаваўся мужчынскі манастыр Святога Духу (1626), але з-за смерці яго фундатара Багдана Саламярэцкага не быў адкрыты. Жаночы манастыр заснаваны 24 чэрвеня 1641 года Багданам Статкевічам ва ўрочышчы Барок каля в. Баркалабава Быхаўскага раёна Магілёўскай вобласці, разам з цэрквамі Ушэсця Хрыста і Нараджэння Іаана Прадцечы. Першыя манашкі былі з Куцеінскага манастыра (каля Оршы), адкуль запазычаны і статут. У 1659 годзе ў манастыры з’явіўся цудатворны абраз Маці Божай. Да 1772 года манастыр знаходзіўся пад юрысдыкцыяй кіеўскіх мітрапалітаў, потым падначалены магілёўскаму епіскапу. 3-за таго, што будынкі падмываў Дняпро, у 1835 годзе большая частка манашак пераведзена ў Буйнічы, дзе напярэдадні быў адчынены жаночы манастыр. У 1901 годзе Баркалабаўскі манастыр адноўлены, пры ім існавала аднакласная школа для дзяўчатак. Зачынены ў 1918 годзе, будынкі разбураны, абраз захаваўся.

    У 2008 г. пачалося аднаўленне цалкам разбуранага ў савецкі час манастыра. У 2010 г. пабудавана новая царква Св. Іаана Прадцечы. У ліпені 2010 года з быхаўскай Свята-Троіцкай царквы быў вернуты знакаміты абраз Баркалабаўскай Маці Божай[1].

    Зноскі

    1. ↑ Баркалабаўскі Свята-Узнясенскі жаночы манастыр на сайце Глобус Беларусі (руск.)

    Літаратура

    Спасылкі

    Тэмы гэтай старонкі (14):
    Катэгорыя·Артыкулы са спасылкамі на Глобус Беларусі
    Катэгорыя·Жаночыя манастыры
    Катэгорыя·Праваслаўныя манастыры Беларусі
    Катэгорыя·Вікіпедыя·Шаблон «Вонкавыя спасылкі» пусты
    Катэгорыя·Вікіпедыя·Спасылкі на Беларускую энцыклапедыю без нумароў старонак
    Катэгорыя·Артыкулы, запазычаныя з БелЭн
    Катэгорыя·Вікіпедыя·Спасылкі на Беларускую энцыклапедыю без назвы артыкула
    Катэгорыя·Бабруйская епархія
    Катэгорыя·Зніклі ў 1918 годзе
    Катэгорыя·Баркалабава
    Катэгорыя·Колішнія манастыры Беларусі
    Катэгорыя·Вікіпедыя·Спасылкі на Беларускую энцыклапедыю без аўтара
    Катэгорыя·З’явіліся ў 1641 годзе
    Катэгорыя·Культавыя збудаванні Быхаўскага раёна