Барздо́ўскі сельсавет — адміністрацыйна-тэрытарыяльная адзінка ў складзе Аршанскага раёна Віцебскай вобласці. Цэнтр — аграгарадок Барздоўка.
Утвораны 20 жніўня 1924 года як Браздзечынскі сельсавет у складзе Аршанскага раёна Аршанскай акругі БССР. Цэнтр — вёска Браздзечына. Пасля скасавання акруговай сістэмы 26 ліпеня 1930 года ў Аршанскім раёне БССР, з 20 лютага 1938 года — Віцебскай вобласці. 29 снежня 1961 года да сельсавета далучана тэрыторыя скасаванага Пугляйскага сельсавета[1]. 12 жніўня 1974 года цэнтр сельсавет перанесены ў вёску Барздоўка[2]. 2 лютага 1982 года сельсавет перайменаваны ў Барздоўскі[3].
Насельніцтва сельсавета паводле перапісу 2009 года — 1102 чалавекі[4], з іх 93,4 % — беларусы, 4,6 % — рускія, 1,1 % — украінцы[5].