У паняцця ёсць і іншыя значэнні, гл. Баброўскі сельсавет (значэнні).
Бабро́ўскі сельсавет — адміністрацыйна-тэрытарыяльная адзінка ў складзе Лепельскага раёна Віцебскай вобласці Беларусі. Цэнтр — аграгарадок (да 2008 года вёска) Баброва.
Утвораны 20 жніўня 1924 года як Несінскі сельсавет у складзе Лепельскага раёна Барысаўскай акругі БССР. Цэнтр — вёска Несіна. З 9 чэрвеня 1927 года ў складзе Полацкай акругі. Пасля скасавання акруговай сістэмы 26 ліпеня 1930 года ў Лепельскім раёне БССР, з 21 чэрвеня 1935 года — Лепельскай акругі, з 20 лютага 1938 года — Віцебскай вобласці. 16 ліпеня 1954 года да сельсавета далучана тэрыторыя скасаванага Прудкоўскага сельсавета[1]. У 1965 годзе ў склад сельсавета з Каменскага сельсавета перададзены 2 населеныя пункты (Бароўка 2 і Слабодка)[2]. 3 ліпеня 1970 года ў склад сельсавета з Сушанскага сельсавета перададзены 5 населеных пунктаў (Варапаеўшчына, Гарадзец, Залессе, Ладзеена і Падаліцы)[3]. 26 сакавіка 1973 года цэнтр сельсавета перанесены ў вёску Баброва, сельсавет перайменаваны ў Баброўскі[4]. 4 сакавіка 1987 года ў склад Чэрскага сельсавета перададзены 2 населеныя пункты (вёска Караевічы і хутар Мельніца)[5]. 8 красавіка 2004 года да сельсавета далучана тэрыторыя скасаванага Сушанскага сельсавета (14 населеных пунктаў: вёскі Атокі, Батукалава, Варашкі, Гаравыя, Двор Суша, Заазёрная, Завадзіна, Загорцы, Замошша, Заслаўкі, Зямцы, Мішулькі, Суша і Хвашчова)[6]. 24 снежня 2009 года скасавана вёска Мішулькі[7], 29 снежня 2015 года — вёска Падаліца[8], 27 снежня 2018 года — вёска Пагарэлае[9].
Насельніцтва сельсавета паводле перапісу 2009 года — 1273 чалавекі[10], з іх 92,2 % — беларусы, 5,5 % — рускія, 1,3 % — украінцы[11].