wd wp Пошук: ⬜

Аўтазаводзец Мінск

Аўтазаводзец — беларускі мужчынскі баскетбольны клуб з Мінска. Прадстаўляў Мінскі аўтамабільны завод.

Гісторыя

У савецкі час клуб выступаў у чэмпіянаце БССР пад назвамі МАЗ і «Тарпеда».

З 1992 года клуб выступаў у Вышэйшай лізе чэмпіянату Беларусі. У 1993 годзе ён атрымаў назву «Аўтазаводзец», падчас сезона 1996/97 да назвы клуба была дададзена назва аднаго з спонсараў — транспартнай кампаніі «Джэнці». Клуб 4 разы станавіўся бронзавым прызёрам чэмпіянату Беларусі, двойчы перамагаў у Кубку Беларусі.

Напярэдадні сезона 2001/02 з-за фінансавых праблем клуб адмовіўся ад удзелу ў Вышэйшай лізе чэмпіянату Беларусі. Некалькі сезонаў ён правёў у Першай лізе, пасля чаго спыніў існаванне.

Дасягненні

Чэмпіянат Беларусі па баскетболе

• Бронзавы прызёр (4): 1993/1994, 1994/1995, 1995/1996, 1998/1999.

Кубак Беларусі па баскетболе

• Пераможца (2): 1997 (сумесна з РВАР), 1999.

Статыстыка выступленняў

Сезон	Ліга	Чэмпіянат Беларусі	Кубак	Заўвагі
1992-93	Вышэйшая ліга	6
1993-94	Вышэйшая ліга	Бронзавы прызёр
1994-95	Вышэйшая ліга	Бронзавы прызёр
1995-96	Вышэйшая ліга	Бронзавы прызёр
1996-97	Вышэйшая ліга	4	Пераможца
1997-98	Вышэйшая ліга	4	4-е месца
1998-99	Вышэйшая ліга	Бронзавы прызёр
1999-00	Вышэйшая ліга	4	Пераможца
2000-01	Вышэйшая ліга	4	4-е месца

Трэнер

Галоўным трэнерам клуба доўгі час быў Аляксандр Мікалаевіч Таніеў[1].

Вядомыя баскетбалісты

У пачатку-сярэдзіне 1990-х гадоў лідарамі «Аўтазаводца» былі вэтэраны беларускага баскетбола, якія выступалі ў 1970—1980-х гадах у чэмпіянаце СССР за мінскі РТІ: Мікалай Бузлякоў, Уладзімір Краўчанка, Аляксандр Папкоў, Анатоль Парфіяновіч[2], Яўген Пустагвар, Аляксандр Сатыраў[3], Сяргей Сланеўскі, Канстанцін Харашылаў, Анатоль Якубенка.

У далейшым да клуба далучыліся чэмпіёны Беларусі розных гадоў: Ігар Галабурда, Алег Гладкі, Юрый Качан, Уладзімір Кец, Віталь Маклакоў, Ігар Налівайка, Руслан Насенка, Андрэй Плотнікаў, Эдуард Прыйма, Павел Ульянка[4], Канстанцін Церцель, Генадзь Цыркін.

Зноскі

1. ↑ Новости. Юбилей аксакала
2. ↑ Какие наши годы. Анатолий Парфианович: баскетболист по… недоразумению
3. ↑ Старая гвардия: Александр Сатыров. Гомельский звал меня Профессором
4. ↑ Какие люди. Павел Ульянко: жить на Волге и не рыбачить — это глупо

Тэмы гэтай старонкі (3):
Катэгорыя·Вікіпедыя·Артыкулы з пераазначэннем значэння з Вікідадзеных
Катэгорыя·Вікіпедыя·Шаблон «Вонкавыя спасылкі» пусты
Катэгорыя·Баскетбольныя клубы паводле алфавіта