Аўтагенацыд (ад грэч.: αὐτός — сам, грэч.: γένος — род, племя і лац.: caedo — забіваю), унутраны генацыд — дзеянні, скіраваныя на наўмыснае знішчэнне грамадзян якой-небудзь краіны, здзейсненыя іх уласным урадам або іншымі суайчыннікамі[1].
Дадзены тэрмін быў уведзены ва ўжытак у другой палове 1970-х гадоў для характарыстыкі генацыду ў Камбоджы, ажыццёўленага камуністычным рэжымам «чырвоных кхмераў» у 1975—1979 гадах. Менавіта скіраванасць на грамадзян уласнай краіны (або на свой народ) адрознівае аўтагенацыд (напрыклад, армян ці асірыйцаў) ад «вонкавага» генацыду, скіраванага на жыхароў акупаваных тэрыторый (напрыклад, яўрэяў і славян на захопленых Германіяй падчас Другой сусветнай вайны тэрыторыях).