Ахме́д II (асм. آحمد ثانى — Âhmed-i sânî, турэцк.: İkinci Ahmet) (25 лютага 1643 — 6 лютага 1695) — султан Асманскай імперыі (22 чэрвеня 1691—1695)[4].
Сын султана Ібрагіма I і Хаціджэ Муазез Султан, малодшы брат султанаў Мехмеда IV і Сулеймана II. Да ўзыходжання на прастол больш за 40 гадоў правёў у ізаляцыі ў палацы Тапкапы (у т.зв. «Клетцы»).
У кіраванне Ахмеда II няўдала для асманцаў працягвалася вайна са Свяшчэннай лігай. 19 жніўня 1691 г. асманская армія была разгромлена ў бітве пры Сланкамене імперскімі войскамі пад камандаваннем Людвіга Бадэнскага. У гэтай бітве загінуў Вялікі візір Фазыл Мустафа Кепрулю.
Папярэднік: Сулейман II |
Асманскі султан 1691—1695 |
Пераемнік: Мустафа II |