Ахейскае княства, ці Княства Марэя — дзяржава крыжакоў, якая ўзнікла праз год пасля заканчэння Чацвёртага крыжовага паходу 1202—1204 гадоў на тэрыторыі сучаснай Грэцыі.
З моманту свайго заснавання лічылася васалам каралеўства Фесалонікі, а пасля яго падзення ў 1224 годзе ахейскія князі прызнавалі вяршэнства Лацінскай імперыі. Калі ў 1261 годзе войскі Міхаіла VIII Палеалога захапілі Канстанцінопаль, княства засталося адзінай моцнай дзяржавай крыжакоў на землях Візантыі.
У далейшым яно стала васалам Неапалітанскага каралеўства. Паступова слабеючы з-за ўнутраных міжусобіц, княства спыніла сваё існаванне ў 1432 годзе, калі было заваявана Марэйскім дэспататам.