Асімі Гаіта (фр.: Assimi Goita; нар. 1983) — малійскі ваенны і дзяржаўны дзеяч, старшыня Нацянальнага камітэта выратавання народа[1]. Раней служыў палкоўнікам у падраздзяленні спецыяльнага прызначэння Узброеных сіл Малі[2].
Асімі Гаіта нарадзіўся ў 1983 годзе. З’яўляючыся сынам афіцэра малійскіх узброеных сіл, ён пайшоў па шляху бацькі, праходзіўшы навучанне ў ваенных акадэміях Малі і, у прыватнасці, наведваў Аб’яднаную ваенную школу ў Кулікора.
Гаіта служыў палкоўнікам у Аўтаномным батальёне спецыяльных сіл — падраздзяленні спецназа Малійскіх узброеных сіл. Ён узначальвае малійскі спецназ у цэнтры краіны. Такім чынам, ён сутыкаецца з паўстаннем джыхадзістаў у Малі. Гаіта служыць кіраўніком Нацыянальнага камітэта выратавання народа — групы паўстанцаў, якая абавязалася ініцыяваць новыя выбары на змену Ібрагіму Бубакару Кейта.
Гаіта прайшоў навучанне ў Злучаных Штатах, Францыі і Германіі і меў досвед працы ў спецназе арміі Злучаных Штатаў.
24 жніўня 2020 года ў выніку ваеннага бунту прызначаны старшынёй камітэта выратавання народа, арганізацыі паўстанцаў, якія паабяцалі правесці новыя ўсеагульныя выбары[3][4]. 24 мая 2021 года арыштаваў Ба Ндау падчас чарговага перавароту, прычынай чаму сталі змены ў кабінеце міністраў і парушэнне дамоўленасцяў з вайскоўцамі[5].
28 мая Канстытуцыйны суд Малі абвясціў палкоўніка Гаіта часовым прэзідэнтам краіны[6].