wd wp Пошук: ⬜

Асака вострая

Асака вострая[3] (Carex acuta) — від травяністых раслін сямейства асаковых, народная назва разанец.

Апісанне

Цёмна-зялёная расліна вышынёю 50—140 см, з доўгім гарызантальным карэнішчам, утварае дзернавінкі. Сцяблы аблісцелыя, востра-шурпатыя, з чырвона-бурымі похвамі. Лісце шырокалінейнае, пляскатае, па краі шурпатае. Колас складаецца з 2—3 тычынкавых і 3—4 цыліндрычных, паніклых песцікавых каласкоў на доўгіх ножках. Лускавінкі каласкоў ланцэтныя, чорна-пурпуровыя. Рыльцаў 2. Мяшочкі двойчыпукатыя, эліптычныя, з жылкамі і цёмным носікам.

Пашырэнне

Пашырана ва ўмераным поясе Еўразіі. Часта расце ў поймах рэк, па берагах вадаёмаў, на нізінных балотах, лугах; утварае зараснікі. На Беларусі найбольшыя плошчы ў пойме Прыпяці. Вельмі зменлівы амаль па ўсіх прыкметах від. Цвіце ў маі — жніўні.

Выкарыстане

Скошаная да цвіцення — добры корм для буйной рагатай жывёлы (мае высокую пажыўную каштоўнасць).

Зноскі

↑ Ужываецца таксама назва Пакрытанасенныя.
↑ Пра ўмоўнасць аднясення апісванай у гэтым артыкуле групы раслін да класа аднадольных гл. раздзел «Сістэмы APG» артыкула «Аднадольныя».
↑ Киселевский А. И. Латино-русско-белорусский ботанический словарь.. — Минск: «Наука и техника», 1967. — С. 31. — 160 с. — 2 350 экз.

Літаратура

Іванкіна В. Асака // Энцыклапедыя прыроды Беларусі. У 5-і т. Т. 1. Ааліты — Гасцінец / Рэдкал. І. П. Шамякін (гал. рэд.) і інш. — Мн.: БелСЭ ім. Петруся Броўкі, 1983. — 575 с., іл. — 10 000 экз.