«Аршанскі маладняк» — літаратурна-мастацкі часопіс, які ў 1925—1928 гадах выдавала Аршанская філія «Маладняка». Выйшла 7 нумароў.
У 1926 большая частка рэдакцыі часопіса, апынулася ў Горках, дзе была заснавана Горацкая студыя Аршанскай філіі «Маладняка». Такім чынам з трэцяга нумара часопіс пачаў друкаваўся ў Горках.
Змяшчаў вершы, лірычныя абразкі і апавяданні А. Вечара, М. Ганчарыка (вершы падпісваў псеўд. Я. Сявец), Ю. Гаўрука, B. Каваля, Т. Кляшторнага, М. Нікановіча, В. Сташэўскага, У. Прыбыткоўскага і іншых маладых пісьменнікаў, хроніку літаратурнага жыцця Аршанскай акругі і маладнякоўскіх арганізацый рэспублікі.
Такую ж назву насіла пісьменніцкая арганізацыя, што ўваходзіла на правах філіі ў Усебеларускае аб’яднанне паэтаў і пісьменнікаў «Маладняк» рэспублікі. У дзейнасці арганізацыі прымаў удзел Максім Гарэцкі, які не з’яўляўся сябрам “Маладняка”.