Артур Бартэльс (13 кастрычніка 1818[1], г. Вільнюс — 23 снежня 1885) — графік, паэт-песеннік[2].
Удзельнічаў у паўстанні 1863-64 у Беларусі і Літве, эміграваў. Вярнуўшыся з-за мяжы, жыў у Лагойску, Гарадку, Вільні.
Аўтар сатырычных малюнкаў (альбомы «Чалавек высокага паходжання», «Суседскі абедзік»; серыі «Пан Атаназы Скарупка — чалавек прагрэсіўны», «Пан Яўген», «Скнара»), надрукаваных у «Віленскім альбоме» ў 1858. Малюнкі суправаджаў рыфмаваным подпісамі, якія высмейвалі звычкі дваранства і дробнай местачковай шляхты[2].
18 студзеня 2012 года ў 17.30 у «Рэспубліканскай мастацкай галерэі» ГА «Беларускі саюз мастакоў» у Мінску адбылося адкрыццё мастацкай выставы паводле пленэра, прысвечанага Артуру Бартэльсу[3][4].