У Вікіпедыі ёсць артыкулы пра іншых асоб з прозвішчам Гурэвіч. Арон Якаўлевіч Гурэвіч (руск.: Арон Яковлевич Гуревич; 1924 — 2006) — доктар гістарычных навук (1962), прафесар (1963), правадзейны член Акадэміі гуманітарных даследаванняў (1995). Працаваў вядучым навуковым супрацоўнікам Інстытута вышэйшых гуманітарных даследаванняў РДГУ (1992—2006). Лаўрэат Дзяржаўнай прэміі па навуцы РФ (1993).
Кірункі навуковай дзейнасці: гісторыя сярэднявечнай еўрапейскай культуры; сучасная гістарыяграфія; тэорыя культуры і метадалогіі гісторыі; гісторыя Скандынавіі ў сярэднявеччы; гісторыя скандынаўскай культуры, у тым ліку суадносіны афіцыйнай (царкоўнай) і народнай культуры; праблемы метадалогіі гістарычнага даследавання.
Таксама з’яўляўся — членам бюро Навуковай рады па гісторыі сусветнай культуры РАН; членам рэдкалегіі часопіса «Arbor Mundi»; адказным рэдактарам штогодніка «Одиссей»; членам рэдкалегіі серыі «Памятники исторической мысли»; замежным членам Medievel Academy of America, Renaissance Academy of America, Société Jean Bodin (Бельгія), Каралеўскага Нарвежскага таварыства вучоных, Каралеўскага таварыства гісторыкаў Вялікабрытаніі; доктарам філасофіі Honoris Causa Універсітэта г. Лунд (Швецыя); членам рэдкалегіі часопісаў «Journal of Historical Society», «Osterreichische Zeitschrift fur Geschichtswissenschaft».
Адзін з аўтараў курсу РДГУ «История мировой культуры (средневековье)», аўтар курсу РДГУ «История Средних веков» і спецкурсу РДГУ «Средневековая картина мира». Чытаў лекцыі ва універсітэтах Італіі, ЗША, Германіі, Даніі (1989—1991), Нарвегіі, Швецыі, Вялікабрытаніі, Францыі (1991—1992).
Аўтар больш за 500 прац.