У Вікіпедыі ёсць артыкулы пра іншых асоб з прозвішчам Караткоў. Аркадзь Цімафеевіч Караткоў (нар. 26 мая 1939, г. Полацк, Віцебская вобласць, БССР) — беларускі архітэктар. Лаўрэат Дзяржаўнай прэміі Беларусі 1984 года за планіроўку і забудову Наваполацка.
Скончыў БПІ ў 1967 годзе. Працаваў У 1961—1962 гадах працаваў у інстытуце «Мінскпраект» тэхнікам-архітэктарам, у 1967—1970 гадах Віцебскім філіяле Белдзяржпраекта (кіраўнік групы), у 1971—1988 гадах БелНДІгорадабудаўніцтва (кіраўнік групы, галоўны архітэктар праектаў, галоўны архітэктар майстэрні), у 1988—1990 кіраўнік архітэктурна-планіровачнага бюро пры аддзеле архітэктуры і горадабудаўніцтва Наваполацкага гарвыканкама, з 1990 — галоўны архітэктар г. Наваполацка.
Асноўныя работы ў Наваполацку: забудова мікрараёнаў № 5 (1969—1975) і 7 (1980—1990), школа рабочай моладзі[d] ў мікрараёне № З (1977—1980), 5—6-павярховыя жылыя дамы па вул. Маладзёжнай (1968—1979); работы, выкананыя сумесна з Ю. Шпітам — школа са спартыўным ухілам (1977—1985), вучэбна-вытворчы камбінат[d] нафтаправода «Дружба» (1981—1983), 13-павярховы інтэрнат (1975) і інш. Дзяржаўная прэмія БССР 1984 за планіроўку і забудову Наваполацка.