Ара́ўка (ісп.: Río Arauca) — рака ў Венесуэле, у верхнім цячэнні на мяжы з Калумбіяй, левы прыток ракі Арынока.
Даўжыня ракі каля 900 км. Плошча вадазбору каля 36 000 км². Выток ракі знаходзіцца ва Усходняй Кардыльеры Андаў, непадалёк ад мяжы Калумбіі і Венесуэлы[1]. Упадае ў Арынока прыкладна за 100 км у напрамку на паўднёвы ўсход ад Сан-Фернанда-дэ-Апурэ[1]. Сярэдні расход вады каля 900 м³/с. У сезон дажджоў на рацэ адбываюцца паводкі, у час якіх рака суднаходная на 600 км (дробныя судны).