Апурэ (ісп.: Apure) — рака ў Венесуэле, левы прыток Арынока.
Даўжыня ракі 1580 км, плошча вадазборнага басейна 147 тыс. км². Сярэдні расход вады каля 2000 м³/с. Суднаходная на 600 км ад вусця, у перыяд дажджоў — на ўсім працягу. Пачынаецца з Кардыльеры-ды-Мерыды, цячэ з захаду на ўсход па раўнінах Льянас-Арынока, упадае ў Арынока некалькі рукавамі. Бурныя паводкі.
На Апурэ гарады Брусуаль, Сан-Фернанда-да-Апурэ.