wd wp Пошук: ⬜

Аператыўна-аналітычны цэнтр пры Прэзідэнце Рэспублікі Беларусь

Аператыўна-аналітычны цэнтр пры Прэзідэнце Рэспублікі Беларусь (ААЦ) — дзяржаўны орган, які здзяйсняе рэгуляванне дзейнасці па забеспячэнні абароны інфармацыі, што ўтрымлівае звесткі, якія складаюць дзяржаўную тайну Рэспублікі Беларусь або іншыя звесткі, што ахоўваюцца ў адпаведнасці з заканадаўствам, ад уцечкі па тэхнічных каналах, несанкцыянаваных і ненаўмысных уздзеянняў.

Задачы

• вызначае прыярытэтныя напрамкі тэхнічнай абароны інфармацыі, якая ўтрымлівае звесткі, што складаюць дзяржаўную тайну, або іншыя звесткі, што ахоўваюцца ў адпаведнасці з заканадаўствам Рэспублікі Беларусь;
• каардынуе дзейнасць па тэхнічнай абароне інфармацыі;
• арганізуе і рэалізуе ў межах сваіх паўнамоцтваў кантроль за дзейнасцю па забеспячэнні тэхнічнай абароны інфармацыі;
• удзельнічае ў распрацоўцы праектаў нарматыўных прававых актаў у галіне тэхнічнай абароны інфармацыі;
• арганізуе і здзяйсняе сертыфікацыю, экспертызу, атэстацыю і ліцэнзаванне ў галіне тэхнічнай абароны інфармацыі;
• забяспечвае бяспеку сайта прэзідэнта Рэспублікі Беларусь;
• забяспечвае пэўнасць шляхам правядзення экспертызы розыгрышаў тыражоў латарэй;
• здзяйсняе іншыя паўнамоцтвы ў адпаведнасці з заканадаўчымі актамі Рэспублікі Беларусь[3].

Функцыі

• збор, абагульненне і аналіз інфармацыі ў галіне тэхнічнай абароны інфармацыі;
• падрыхтоўка інфармацыйных, інфармацыйна-даведачных, аналітычных і прагнозных дакументаў, іншых матэрыялаў па пытаннях тэхнічнай абароны інфармацыі;
• вызначэнне прыярытэтных кірункаў тэхнічнай абароны інфармацыі;
• здзяйсненне каардынацыі дзейнасці па тэхнічнай абароне інфармацыі інфармацыйна-аналітычных сетак, комплексаў тэхнічных сродкаў, базаў даных, інфармацыйных сістэм, сістэм сувязі і кіравання дзяржаўных органаў;
• арганізацыя і правядзенне прац па тэхнічнай абароне інфармацыі і рэгістрацыі імёнаў у нацыянальным сегменце сеткі Інтэрнэт;
• падрыхтоўка праектаў нарматыўных прававых актаў у галіне тэхнічнай абароны інфармацыі;
• здзяйсненне функцый заказніка дзяржаўных і галіновых навукова-тэхнічных праграм, удзел у распрацоўцы і ўзгадненні праектаў дзяржаўных стандартаў, арганізацыя і правядзенне навукова-даследчых і вопытна-канструктарскіх прац у галіне тэхнічнай абароны інфармацыі;
• кіраўніцтва дзейнасцю Навукова-вытворчага рэспубліканскага ўнітарнага прадпрыемства «Навукова-даследчы інстытут тэхнічнай абароны інфармацыі»;
• правядзенне прац з выкарыстаннем актыўных сродкаў супрацьдзеяння тэхнічным разведкам;
• арганізацыя і правядзенне ў межах сваёй кампэтэнцыі прац па тэхнічнай абароне інфармацыі крыптаграфічнымі метадамі, у тым ліку з выкарыстаннем электроннага лічбавага подпісу;
• здзяйсненне ў межах сваіх паўнамоцтваў кантролю дзейнасці па забеспячэнні тэхнічнай абароны інфармацыі ў дзяржаўных органах, арганізацыях незалежна ад арганізацыйна-прававых формаў і формаў уласнасці;
• здзяйсненне ліцэнзавання дзейнасці ў галіне тэхнічнай абароны інфармацыі;
• правядзенне па заяўках органаў дзяржаўнага кіравання і арганізацый экспертызы тэхнічных сродкаў абароны інфармацыі і па пытаннях, звязаных з забеспячэннем бяспекі інфармацыйных сістэм;
• правядзенне прац па атэстацыі дзяржаўных інфармацыйных сістэм і сертыфікацыі сродкаў тэхнічнай абароны інфармацыі;
• правядзенне ў межах сваёй кампэтэнцыі кантролю выпраменьваючых радыёэлектронных сродкаў, дасяжных тэхнічным сродкам разведкі, з мэтай выкрыцця і ўстаранення каналаў уцечкі ахоўванай паводле заканадаўства інфармацыі;
• удзел у міжведамасных рабочых групах, часовых творчых калектывах і іншых органах для вырашэння пытанняў тэхнічнай абароны інфармацыі;
• аказанне на дагаворнай аснове ўласнікам, уладальнікам, карыстальнікам інфармацыі паслуг па яе тэхнічнай абароне;
• удзел у арганізацыі тэхнічнай абароны інфармацыі пры здзяйсненні супрацоўніцтва Рэспублікі Беларусь з замежнымі дзяржавамі;
• метадычнае кіраўніцтва падрыхтоўкай, павышэннем кваліфікацыі і перападрыхтоўкай спецыялістаў у галіне тэхнічнай абароны інфармацыі;
• арганізацыя і правядзенне канферэнцый і семінараў, у тым ліку міжнародных, па пытаннях тэхнічнай абароны інфармацыі;
• здзяйсненне ва ўсталяваным парадку і ў межах сваёй кампэтэнцыі ўзаемадзеяння з дзяржаўнымі органамі ў мэтах атрымання інфармацыі па тэхнічнай абароне інфармацыі;
• падрыхтоўка прапаноў па міжнародным супрацоўніцтве ў галіне тэхнічнай абароны інфармацыі[3].

Зноскі

1. ↑ Закон Рэспублікі Беларусь аб рэспубліканскім каштарысе на 2010 год(руск.) . Нацыянальны прававы інтэрнэт-партал Рэспублікі Беларусь (27 снежня 2010). Праверана 12 снежня 2011.(недаступная спасылка)
2. ↑ Звесткі аб сярэднеўзважаным курсе беларускага рубля да замежных валютаў на валютным рынку Рэспублікі Беларусь за 2010 год (нявызн.). Нацыянальны банк Рэспублікі Беларусь. — Паводле сярэднегадавое цаны (2993,74) набыцця долара. Праверана 12 снежня 2011.
3. 1 2 Информация о Центре(руск.)  (недаступная спасылка). Аператыўна-аналітычны цэнтр (9 мая 2011). Архівавана з першакрыніцы 17 кастрычніка 2012. Праверана 4 красавіка 2020.

Спасылкі

• Афіцыйная старонка (бел.)

Тэмы гэтай старонкі (5):
Катэгорыя·Вікіпедыя·Артыкулы з пераазначэннем значэння з Вікідадзеных
Катэгорыя·Старонкі з няправільным сінтаксісам спасылак на крыніцы
Катэгорыя·Вуліца Кірава (Мінск)
Катэгорыя·Вікіпедыя·Артыкулы з непрацоўнымі спасылкамі
Катэгорыя·Прэзідэнт Рэспублікі Беларусь