У Вікіпедыі ёсць артыкулы пра іншых асоб з прозвішчам Юшкевіч.
Антон Юшкевіч (літ.: Antanas Juška; 1819, Расенскі павет — 1 лістапада 1880 [3]) — літоўскі этнограф-даследчык, ксёндз, брат Івана Юшкевіча.
Скончыў Віленскую духоўную семінарыю, у 1843 годзе высвечаны на ксяндза. Разам з братам займаўся збіраннем літоўскага фальклору і абрадаў. Яго працы - “Литовские народные песни из окрестностей Велек, записанные Антоном Юшкевичем” (Літоўскія народныя песні з наваколля Велек, запісаныя Антонам Юшкевічам; Казань, 1880—1882) і “Свадебные обряды виленских литовцев, записанные А. Юшкевичем в 1870 году и изданные Иваном Юшкевичем, с коротким прибавлением о литовском правописании латинского шрифта” (Вясельныя абрады віленскіх літоўцаў, запісаныя А. Юшкевічам у 1870 г. і выдадзеныя Іванам Юшкевічам, з кароткім дадаткам пра літоўскі правапіс лацінскім шрыфтам; Казань, 1880) - былі выдадзены ягоным братам.