У Вікіпедыі ёсць артыкулы пра іншых асоб з прозвішчам Атрошчанка. Анжэла Пятроўна Атрошчанка (нар. 14 лістапада 1970, г. Рэчыца, Рэчыцкі раён, Гомельская вобласць) — беларуская спартсменка (лёгкая атлетыка, сямібор’е). Майстар спорту Беларусі міжнароднага класа (1992).
Скончыла ў 1997 годзе Акадэмію фізічнага выхавання і спорту. Уладальніца Кубка Еўропы ў камандным (1993, 1994) і асабістым (1994) заліках, сярэбраны прызёр у камандным (1998) і асабістым (1993) заліках, бронзавы прызёр (1995) у асабістым заліку. Сярэбраны прызёр чэмпіяната СССР (1992) у асабістым заліку.