wd wp Пошук: ⬜

Андэрс Берынг Брэйвік

Андэрс Берынг Брэйвік (нарв.: Anders Behring Breivik; 13 лютага 1979) — нарвежскі грамадзянін і ініцыятар выбуху ва ўрадавым квартале Осла і нападу на палітычны маладзёжны лагер Нарвежскай працоўнай партыі 22 ліпеня 2011 года, хоць дагэтуль невядома ці дзейнічаў ён адзін[3][4][5]. Паводле сведчанняў, 22 ліпеня 2011 года ён даехаў да маладзёжнага лагера на востраве Уцёя і пераапрануты ў форму паліцэйскага адкрыў страляніну без разбору па ўдзельніках мерапрыемства. Колькасць забітых у выніку напада склала 84 чалавекі[6].

Яго таксама звязваюць з выбухам начыненай выбухоўкаю машыны, які меў месца ва ўрадавым квартале Осла за дзве гадзіны да інцыдэнта на востраве. Ён быў арыштаваны адразу пасля ўчыненага замаху на маладзёжны лагер і цяпер знаходзіцца пад паліцэйскім наглядам. Падчас затрымання быў паранены[7]. Пасля свайго арышту афіцыйныя асобы далі яму характарыстыку ўльтраправага экстрэміста[8]. Паводле Reuters і BBC намеснік начальніка паліцыі Роджэр Андэрсен апісаў падазраванага як «хрысціянскага фундаменталіста»[9][10].

Брэйвік атрымаў адукацыю ў Камерцыйнай школе Осла і, паводле Verdens Gang, вызнае сябе кансерватыўным нацыяналістам[5][11]. Таксама ён з’яўляецца былым сябрам Партыі прагрэса Нарвегіі (FrP) і яе маладзёжнага крыла FpU. Паводле дзейнага лідара FpU Ова Ванебо, Брэйвік быў досыць ініцыятыўным у першай палове 2000-х, аднак быў вымушаны пакінуць партыю праз узмацненне жорсткасці сваіх поглядаў[12]. У шматлікіх сацыяльных медыа ён вызнаваў сабе прыхільнікам нарвежскага антынацыскага партызана Макса Мануса, нідэрландскага палітыка Герта Вільдэрса [13] і сацыяльна-ліберальнага філосафа Джона Сцьюарта Міла[5][11]. У якасці сваіх зацікаўленасцей ён пазначаў «бодзібілдынг, кансерватыўную палітыку і масонства»[14]. У яго Твітэры існуе толькі адзін запіс з цытатай Джона Сцьюарта Міла: «Адзін чалавек з верай мацнейшы за сто тысяч чалавек, якія маюць толькі інтарэсы»[14], датаваны 17 ліпеня.

Паводле газеты VG раней ён не меў стыкаў з паліцыяй за выняткам парушэння правілаў дарожнага руху[5]. Паводле той жа газеты на імя Брэйвіка зарэгістраваныя пісталет Glock, вінтоўка і драбавік. Пад канец чэрвеня ці ў пачатку ліпеня ён пераехаў у невялікае мястэчка Рэна за 140 км на поўнач ад Осла [5], дзе ён адкрыў невялікую фірму пад назвай «Breivik Geofarm»[15]. Выказваліся меркаванні, што ён выкарыстоўваў сваю фірму з мэтай легальнага здабыцця вялікай колькасці штучных угнаенняў і іншых хімічных рэактываў для стварэння аміячнай селітры[5]. Паводле Reuters, у маі фірме Брэйвіка было прададзена шэсць тон угнаенняў[16].

У 2012 г. нарвежскі суд прызнаў Андэрса Брэйвіка псіхічна здаровым, яму трэба будзе правесці ў зняволенні 21 год як мінімум. Гэты тэрмін можа быць прадоўжаны, калі суд вырашыць, што Брэйвік працягвае ўяўляць пагрозу для грамадства. Брэйвік прызнаў, што ён забіў 77 і параніў 240 чалавек. Настойваў на тым, што яго ўчынкі тлумачацца ўльтраправымі і антымусульманскімі поглядамі і не хацеў, каб яго разглядалі як паранаідальнага шызафрэніка.[17]

Зноскі

↑ Norway massacre: Breivik ‘planned to kill politicians’(нявызн.) (18 November 2011).
↑ Stephen JM Sollid, Rune Rimstad, Marius Rehn, Anders R Nakstad, Ann-Elin Tomlinson, Terje Strand, Hans J Heimdal, Jan E Nilsen, Mårten Sandberg and Collaborating group. Oslo government district bombing and Utøya island shooting July 22, 2011: The immediate prehospital emergency medical service response(нявызн.), Scandinavian Journal of Trauma, Resuscitation and Emergency Medicine (26 January 2012).
↑ Anders (32) i Oslo ble pågrepet etter bombe og massedrap | TV 2 Nyhetene(нарв.) . Tv2.no. Праверана 22 July 2011.
↑ Named: The blond Norwegian, 32, arrested over ‘holiday island massacre’ and linked to Oslo bomb blasts, which killed 7 people and injured many more.(нявызн.). Daily Mail. Праверана 22 July 2011.
1 2 3 4 5 6 Pågrepet 32-åring kalte seg selv nasjonalistisk - VG Nett(нарв.) . Vg.no. Праверана 22 July 2011.
↑ Police: At least 80 killed in Norwegian youth camp shooting(нявызн.). BBC News.
↑ Полиция заявила о 80 убитых на острове Утойя(руск.) . Lenta.ru. Праверана 23 ліпеня 2011.
↑ J. David Goodman At Least 80 Are Dead in Norway Shooting(нявызн.). The New York Times. Праверана 23 July 2011.
↑ Архіўная копія(нявызн.) (недаступная спасылка). Reuters. Архівавана з першакрыніцы 10 лютага 2012. Праверана 24 ліпеня 2011.
↑ Scores killed in Norway attack(нявызн.). BBC. Праверана 23 July 2011.
1 2 Архіўная копія(нарв.) (недаступная спасылка). Ostlendingen.no. Архівавана з першакрыніцы 14 жніўня 2011. Праверана 24 ліпеня 2011.
↑ Eivind Fondenes, Kathleen Buer Terrorsiktede var tidligere medlem av Fremskrittspartiet(нарв.) . TV2 nyhetene.
↑ Dader bloedbad bewondert Geert Wildersq(нявызн.). HLN.BE news. Праверана 23 July 2011.
1 2 Нарвегія: 91 чалавек загінуў ад рук ультраправага экстрэміста(нявызн.). Наша Ніва. Праверана 23 ліпеня 2011.
↑ Brønnøysundregistrene - Nøkkelopplysninger fra Enhetsregisteret(нарв.) . Brønnøysund Business Register. Ministry of Trade and Industry. Праверана 22 July 2011.
↑ Архіўная копія(нявызн.) (недаступная спасылка). Reuters. Архівавана з першакрыніцы 26 ліпеня 2012. Праверана 24 ліпеня 2011.
↑ http://nashaniva.by/?c=ar&i=78950

Спасылкі

На Вікісховішчы ёсць медыяфайлы па тэме Андэрс Брэйвік